ياسر الحسيني: ردّت حليمة لعادتها القديمة.. عقد السكك رجع لنور زهير وانتصر على العراق ببركة الحكومة

أراي نيوز /متابعة

ياسر الحسيني وضّح أن عقد السكك اللي رجع لنور زهير ما يحمل أي صيغة قانونية واضحة، وقال:

“العقد لا هو إعمار وتجهيز وتأهيل، ولا هو استثماري، ولا هو عقد شراكة.. عقد غامض ما نعرف شنو نوعه أصلاً.”

وأضاف: “بنود العقد ما توضّح صيغة حقيقية، ومع هذا يكولون بيه شرط جزائي! شنو قيمة الشرط الجزائي إذا أصل العقد غير مفهوم؟”

وبيّن الحسيني أن تمرير العقد صار ببركة الحكومة ومجلس الوزراء، مؤكداً:

“أربعين يوم نحچي عن منهاج الحكومة لمكافحة الفساد، واليوم نشوف عقد مثل هذا يمرر باسم الاستثمار والإعمار. إذا هذا عقد إصلاحي، خلي يترجملي رئيس الوزراء: شنو نوعه؟ وليش مصرّ على تمريره؟ ومنو الجهات المستفيدة من وراه؟”