مختار من الكوفة يرعى طفل مفقود من الفلوجة لمدة 15 سنة ويعيده لعائلته
أراي نيوز /متابعة
من سنة 2009 اختفى طفل من الفلوجة اسمه “محمد”، وما أحد عرفله طريق، الئ ان وصل بيد رجال شهم من الكوفة، الحاج “نجم عبدالله (أبو سهيل) مختار حي ميثم التمار، واللي استلم أمانة محمد وكبره ورباه مثل واحد من أولاده.
طول 15 سنة، أبو سهيل ما قصر، رباه، دخله مدرسة، وسماه باسمه، وسجله بالنفوس، وحتى اشتراله قطعة أرض زراعية حتى يضمن مستقبله ويكوله: “هذا ابني وميصير أروح إلا وأضمنله شي بعدي”.
وقبل فترة، بعد غياب دام أكثر من 8 سنوات، قدروا يوصلون لأهله الحقيقيين بالفلوجة بعد ما نشر أبو سهيل صور محمد على الفيس عدة مرات، والحمد لله، رجع لأهله وهو اليوم بالصف الرابع الابتدائي، ناجح بدراسته، وواعي بتربيته.
وجان كلام والد محمد يوم الكاه وشكر أبو سهيل وقال:
“محمد صار بيني وبين أبو سهيل، وما راح يبتعد عن أي واحد بينا، وله بيتين: واحد بالكوفة والثاني بعامرية الفلوجة، وهذا وعد”.
هكذا هم العراقيين.. نبع طيب وأصالة وشهامة، والله يحفظ أبو سهيل ويكثر من أمثاله. 🇮🇶
