بربع ساعة وبمبلغ رمزي.. عشيرة البو سودة تسجّل أسرع فصل عشائري في العراق

أراي نيوز /متابعة

في مشهد نادر يعكس أعلى درجات التسامح، شهد قضاء أبو غريب غرب بغداد أسرع فصل عشائري يُسجَّل في العراق، بعد حادث دهس مؤسف راح ضحيته سلام صدام سلام خليف من أبناء عشيرة البو سودة.

الحادث صار على سريع أبو غريب، والمتسبب شاب من محافظة الناصرية.

لكن المفاجأة كانت بموقف أهل الفقيد، اللي اختاروا التسامح، وقالوا: “هذا قضاء وقدر”، وتم الاتفاق على فصل رمزي بدون أي تعقيدات أو مزايدات.

كلشي تم خلال ربع ساعة فقط… شاي، كَلِمَة طيبة، وصلح بقلوب كبيرة.

موقف عشيرة “البو سودة” أثار إعجاب الناس، وصار مثال يُحتذى بيه، خاصة بوقت كثرت بيه النزاعات والمبالغات بفصول الدم.

رحم الله الفقيد، وبارك الله بأهله، وبكل من يختار التسامح على التناحر.