أراي نيوز /متابعة

اندلع سجال ناري بين المحامية زينب جواد وأبو عراق ببرنامج حواري على خلفية قضية الطبيبة بان زياد.

أبو عراق اعتبر أن “محور الاحتجاجات كلما ينتقدونه يطلع الذباب الأصلي”، واشار الى زينب جواد وقال إن الذباب “موجود بأربيل ويستلم راتب من وحدة 8200”. ولما طلب المقدم منه يترك هالموضوع، ردّت زينب: “ما يگدر تنكطع خبزته”.

بعدها هاجمها أبو عراق قائلاً: “لا بالمحاماة ولا بالمرشحية نجحتي، شراح تشتغلين؟ بمركز تجميل؟” فجاء رد زينب حاد:

العيب مو علية، العيب عليكم.. العربان ضحكوا علينا. الذباب الحقيقي هو اللي يطعن ببنات بلده لحساب جهات تابعة لـ8200. أنتم ما تردون موضوع بان لأن فضح خزيكم، وبين إنه ما عدنا رياجيل تحمينا.

وقالت للمقدم : هذا يحچي ستة مرات بالشهر، حافظ كلمتين ويردد بيهن وما يكدر يطلع عن الصياغ الحافظه وجاي يحجي ع المنظمات ترا حكومته هي المعترفة بالمنظمات، إذا هو رجال يروح يرفع دعوى عليها.

أبو عراق ردّ عليها قائلاً: “لا، أرفع دعوى عليچ إنتي وعلى كل من كال بان نقلت وهي انتحرت.”

لتختتم زينب: بعدين انت تكول عندي دلائل اكو تطبيع وي الكيان ذا عندك دليل على التطبيع روح للقضاء، إما تثبت أو ينكص شاربك. أما إذا ساكت وتعرف، فهاي خيانة. وتهديدك بالانتخابات ما يزيدنا غير إصرار.